Keppnisskilmálar verða auglýstir á Golfbox, á töflu í skála og á heimasíðu GOS, www.gosgolf.is ekki síðar en tveimur vikum fyrir fyrsta keppnisdag.

Keppendur eru beðnir að virða rástíma sína í mótinu og mæta á réttum tíma.

Allir eldri kylfingaflokkar hefja leik í fyrir hádegi. Mótsstjórn hefur rétt á að breyta áætluðum rástímum.

Leikmenn skulu vera snyrtilega klæddir við leik í mótinu eins og almennt tíðkast.
Óheimilt er að leika í gallabuxum eða íþróttagöllum.

Verðlaun verða fyrir næstur holu alla dagana á 7. holu

Kynnið ykkur keppnisskilmála fyrir Meistaramót GOS 2025.

 ATH. Einungis klúbbfélagar með GOS sem aðalklúbb geta orðið klúbbmeistarar.

Keppnisskilmálar Meistaramót GOS 2025

Meistaramót GOS er stærsti viðburður klúbbsins á hverju ári. Leikið er til verðlauna í 17 mismunandi flokkum sem skipt er í eftir forgjöf og/eða aldri.

Mótið er leikið á sex dögum, 30.júní – 5. júlí.

Klúbbmeistari karla er sá sem leikur á fæstum höggum í meistaraflokki.

Klúbbmeistari kvenna er sú sem leikur á fæstum höggum án forgjafar.

Bráðabanar og umspil

Verði skor jöfn um klúbbmeistara titlinn skal leika þriggja holu umspil á 9, 10. og 14. braut til úrslita. Fáist ekki niðurstaða eftir umspil leika keppendur bráðabana á 14 holu.

Bráðabanar í öllum flokkum fara fram á 14. braut. Mótsstjórn mun auglýsa tímasetningu umspila og bráðabana. Mæti leikmenn ekki á teig þegar umspil eða bráðabani á að fara fram telst leikurinn tapaður fyrir þá leikmenn.

Verði skor jöfn í punktakeppni eða forgjafarkeppni ráðast úrslit á síðustu 36 – 18 – 9 – 6 – 3 – 1 holum sem hafa verið leiknar. Ef það er enn þá jafnt eftir það verður hlutkesti kastað.

Um skráningu, þátttökuskilmála, flokkaskiptingu, fjölda umferða og keppnisdaga, vísast til reglugerðar um mótið. Eftirfarandi reglur, sérstakir keppnisskilmálar mótsins, eru settir af nefndinni samkvæmt reglu 33-1 í golfreglum.

Þátttökurétt eiga þeir einir sem eru meðlimir GOS og hafa gert skil á félagsgjöldum.

Keppnin er leikin í flokkum samkvæmt reglugerð og er leikið án forgjafar í öllum flokkum, nema þeim flokkum sem annað er auglýst. Rástímar eru samkvæmt sérstökum tilkynningum mótanefndar.

Skráning skors fer fram rafrænt á Golfbox. Allir keppendur eiga að skrá inn sitt skor og skorið hjá einum öðrum kylfingi. Að hring loknum fara keppendur yfir skorið og bera saman hvort allt sé rétt. Staðfesta þarf síðan skráningu skors með rafrænum undirskrifumt ritara og leikmanns. Keppendur bera sjálfir ábyrgð á sínu skori.

Ákvörðun um frestun leiks eða niðurfellingu umferða vegna veðurs er í höndum mótstjóra og mótsstjórnar.

Leikmenn í öllum flokkum, öðrum en eldri kylfinga flokkum karla og kvenna, skulu leika hinar fyrirskipuðu umferðir mótsins gangandi. (Golfbíll er leyfilegur fyrir eldri kylfinga flokka)

Akstur (úrsk. 33-1/8). Leikmenn mega ekki ferðast á eða í neinu afbrigði faratækis á meðan fyrirskipuð umferð er leikin, nema mótstjórn leyfi. Slíkt leyfi fæst hins vegar ekki nema að framlögðu læknisvottorði.

Mæti kylfingur á 1. teig, tilbúinn til leiks, innan fimm mínútna eftir rástíma sinn og kringumstæður eru slíkar að þær réttlæti afnám frávísunarvítis samkvæmt reglu 33-7, skal hann hljóta tvö vítishögg, en ella frávísun mæti hann meira en fimm mínútum of seint.

Ræst er út á 9 mínútna fresti. Hámark þrír leikmenn saman í ráshóp.

Hámarksleiktími fyrirskipaðrar umferðar (14 holur) er 3 klukkustundir. Viðurlög eru skv. reglu 6-7 (Óhæfileg töf. Slór við leik ). ATH. Nánari tímamörk eru auglýst á auglýsingatöflu í skála.

Ef vafi er á hvað gera skal samkvæmt golfreglum skal kalla á dómara eða leika tveimur boltum samkvæmt reglu 3-3.a og tilkynna mótstjórn atvikið áður en skorkorti er skilað í mótslok. Mótsstjórn/dómari kveður upp úrskurði áður en úrslit verða kynnt.

Dómarar eru þeir félagar klúbbsins, samkvæmt skipan nefndarinnar, sem dómararéttindi hafa, en þó þannig að enginn þeirra dæmi í þeim flokki þar sem viðkomandi dómari er þátttakandi.

Víti fyrir brot á keppnisskilmála:

Höggleikur: Tvö högg, gildir um hverja holu sem brotið á við.

Dómarar: Hlynur Geir Hjartarson og Leifur Viðarsson

Mótstjórar: Hlynur Geir Hjartarson og Leifur Viðarsson

Mótstjórn: Hlynur Geir Hjartarson, Leifur Viðarsson, Einar Matthías Kristjánsson, Magnús J Magnússon, Páll Sveinsson og Bjarki Þór Guðmundsson

Mótsgjald 9.500 kr.

Lokahóf: Auglýst síðar

Hér fyrir neðan eru áætlaðir rástímar.

ATH þeir munu breytast en það fer eftir skráningu í hvern flokk.