GOS semur við Vegagerðina

GOS semur við Vegagerðina um færslu golfbrauta

Golfklúbbur Selfoss og Vegagerðin hafa gert með sér samkomulag um aðlögun Svarfhólsvallar að fyrirhuguðum nýjum þjóðvegi 1 norður fyrir Selfoss, með nýrri brú á Ölfusá.

Áformað er að nýr vegur liggi beint yfir þriðju flöt golfvallarins auk þess að skera 2. braut sem og æfingasvæði GOS, en til að bregðast við þeim keðjuverkandi áhrifum sem veglagningin hefur á brautaskipan vallarins þarf GOS að útbúa þrjár nýjar brautir og færa æfingasvæði sitt.

Samkomulag GOS við Vegagerðina gerir ráð fyrir að GOS hætti notkun æfingasvæðis, 2. og 3. brautar eigi síðar en 1. september 2022. Þannig hefur golfklúbburinn fjögur ár til að taka nýjar brautir og æfingaaðstöðu í notkun. Miðað við að oft þurfi nýræktir á golfvöllum minnst tvö sumur til að gróa, þá er tíminn naumur. Framkvæmdir hefjast því strax, m.a. með gerð bráðabirgða, æfingasvæðis vegna lokunar á því svæði sem notað hefur verið til þessa, en þar verður ein nýju brautanna þriggja lögð.

Á myndinni takast í hendur þeir Guðmundur Valur Guðmundsson, forstöðumaður hönnunardeildar hjá Vegagerðinni og Hlynur Geir Hjartarson framkvæmdastjóri GOS. Lengst til vinstri er Einar Farestveit lögmaður Vegagerðarinnar og til hægri Óskar Sigurðsson lögmaður GOS.

 

Add Comment

Your email address will not be published. Required fields are marked *